Brimketill, útsýnispallar teknir í notkun

Ný aðstaða við Brimketil á Reykjanesi var tekin í notkun við hátíðlega athöfn föstudaginn 2. júní 2017.  Brimketill er sérkennileg laug í hrauninu í Staðarbegri, milli Grindavíkur og Reykjnesvita. Gerður hefur verið stígur yfir hraunið ásamt útsýnipalli þar sem laugin blasir við. Brimið við klettana er mögnuð upplifun.

Lilja Kristín og Óskar hjá Landmótun hafa unnið að gerð stíga og palla fyrir Reykjanes UNESCO Global Geopark.

sjá einnig: http://www.grindavik.is/v/19888

Brimketill

We welcome you to the new viewing platform by Brimketill. // Verið velkomin á nýjan útsýnispall við Brimketil. GPS Points N63° 49' 4.741" W22° 35' 56.075"#Brimketill #Reykjanes

Posted by Reykjanes Unesco Global Geopark – Iceland on 29. maí 2017

Landmótun á Hönnunarmars í Hörpu

Landmótun tekur þátt í sýningu SAMARK í Himnastiga Hörpu á Hönnunarmars 23. – 26. mars 2017 en yfirskrift sýningarinnar er Virðisauki arkitektúrs. Landmótun kynnir þar útsýnispalla og göngustíga sem stofan hannaði við Dettifoss í Jökulsárgljúfri. Verkefnið er unnið fyrir Vatnajökulsþjóðgarð í samvinnu við Eflu verkfræðistofu.

Dettifoss  er einn magnaðasti foss Íslands og áfangastaður fjölda ferðamanna allt árið um kring.  Á hamrabrún var valinn nýr útsýnisstaður sem opnar sýn inn gljúfrið, beint á fossinn. Pallarnir eru tveir og gefur annar færi á að standa í fossúðanum. Svífandi stígur frá bílastæði mun verða öllum fær. Efni var valið í samræmi við umhverfi, gráleitar glertrefjagrindur, stál og lerki. Grindurnar þola mikinn ágang, eru stamar og hreinsa vel af sér snjó og klaka. Við framkvæmdina var landinu hlíft eins og hægt er. Pallar og stígar eru með festingum sem gerir afturkræfni mögulega.

Útsýnispallur við Dettifoss sem reistur var 2015 (Landmótun sf.)

Markmið er að styrkja innviði, stýra álagi og auka ánægju gesta auk þess að veita komandi kynslóðum tækifæri til að njóta þeirra náttúrugæða sem í dag er stór hluti af sjálfsmynd þjóðarinnar. Með því skapast hringrás upplifunar, öryggis og verndunar íslenskrar náttúru.

Sýningarhönnuður fyrir Landmótun er Þórarinn Blöndal myndlistarmaður.

Við hvetjum sem flesta að koma við í Hörpu um helgina.

Skriðuklaustur

Helgina 18.-19. ágúst, var haldin Skriðuklausturshátíð í Fljótsdal.   Tilefnið var að lokið er tíu ára rannsókn á rústum hins forna Ágústínusarklausturs sem þar stóð á sextándu öld.  Klaustur á Skriðuklaustri var starfrækt 1493-1554

Uppgröftur á kaustri var starfrækt í Fljótsdal á árabilinu 1493-1554 hófst 2002 og lauk 2011. Út er komin  bók um rannsóknina á klaustrinu að Skriðu eftir dr. Steinunni Kristjánsdóttur.
Í ár hefur verið unnið að frágangi minjasvæðisins.  Í samráði við Fornleifavernd ríkisins hafa grunnform klausturbygginga og kirkju verið hlaðin upp og búið er að tyrfa veggi og umhverfi þannig að hægt er að feta í fótspor þeirra sem dvöldu í klaustrinu á 16. öld. Þá hefur verið komið fyrir útsýnispalli fyrir ofan svæðið með fræðsluskiltum.
Landmótun hefur undanfarin ár unnið að mótun framtíðarskipulags á Skriðuklausturs torfunni.  Útsýnispallur er hannaður á Landmótun í samvinnu við verkfræðistofu Austurlands.